Ek aur kavita

Jo tera hai wo tjhe milega
Tu bewajha pareshan kyun hota hai

Tu rakhr sabra apne par bande
phool khilne mein samay lagta hai

patthar to hain raaste ka hissa
ye gam hain yahan sabhi ka hisaa
phir tu girne par kyun rota hai
Ae zindgi k musafir , jeevaan mein aksar yun hota hai

kiski ko bana le apna , ban ja kisi ka sapna
ye zindgi badi hai choti , kismat teri rahi hai soti
tu jaga usko aur mazboot bann , apne iradon se sabko sann kar

phir ek aisa manzar aayega, zamana tere gun gayega
tu rahega sabse aage , baki sab phir tere peeche bhaagen
tab sukoon tujho aayega , tu peeche dekh kar muskurayega!!

Jab shayari bol padi

Aap sabhi ko holi mubarak. Ye baat hai beete shanivaar ki. Hum apne shehar lucknow mein, araam farma rahe the. Socha ki kch likha jaye.. Par isse pehle ki hum kuch likhte.. Meri shayri ne ek khoobsurat apsara ka roop le liya aur bhari hui aankhon se bol padi yeTum band karo ye shayri ka aalam
Bahut hua ab bardasht nahin
Malham wo nahin lagata
Dard ka jisko ehsaas nahin

Laakh keh lo tum dunia se ki ye to mera andaaz hai
Par humse nahin chupa paoge tumhare har alfaaz mein koi raaz hai

Tumhari shayri tadap kisi ko bechain hamen karti hai
Jaane aaj kya baat hui , tu yun hi nahin aisa likhta\ likhti hai

Teri tadap,  sanam tera,  kya kabhi mehsoos kar payega
Kadr nahin jise tere shabdon ki,  kya khaamoshi kabhi samajh paayega

Usse achi to mein bhali jo dard tera samjhti hun
Kehna chahta hai jo tu. , alfaazon mein bayan karti hun

Marr bhi jaye jo tu aaj, ek aansun na usko aayega
Peecha choota us deewane se,  ye geet wo har pal gungunaayega

Ho gaya tujhe agar kuch to rona mjhko aayega
Kon baantega apna dard , kon sang mere khilkhilayega

Tum na jana mere shayar,  mein tujhse hi to aayi hun
Soch teri, alfaaz mere,
Mein teri hi parchai hun

Ye keh k wo ro padi.  Aur hui meri bhi aankhen nam
Aaj pehli baar baanta tha meri shayri ne apna gam

Aansun ponch kar phir wo boli naam tumhara Pal-luv hai
Par sach batana kya  mohabbat karne ka yahi sabab hai

Ki jisko chaha sacche mann se,  wo to khushi mein rahe hain jhoom
Reh gaya hum adhoore , ho gaye unki yaad mein sunn

Jawab deta mein kya uske sawal ka , jiska jawab mein raha tha dhoond
Rakha kalam, maare kash , pee gaya  jaam ki aakhri boond

Chadha nasha jo aankhon par , saamne phir wo aa gayi
Lekar khanjar,  cheera mujhko
Muskarakar phir aane ko wada kar gayi....

Alfaaz k jharokhon se

Mausam hai shayarana,  Ye sama b kitna ajeeb hai
Tujhe karta yaad hardam,  ye dil azeez hai

Jahan jaaon mein,  wahan parchayi roop mein aa jati hai tu
Kya bataoon kitna mujhe satati  hai tu
Teri har baat , hamari pehli mulaqat nahin bhoola hun mein
Har baat lahu bankar mujh mein  samayi hai tu

Aaj guzra tha mein us maikhane se
Jahan hoti thi ronak tere aane se
Ab bas ek wo khandar sa lagta hai
Bin tere ab har khwaab adhoora sa lagta hai

Meelon ka safar ab tay hum akele karte hain
The jo hum humsafar,  ab kyun tjhe ajnabi se lagte hain

Ban kar ajnabi jo tum door hue hamse
Khushiyon ne jaise tod diya ho naata humse
Honthon par hansi liye baitha hun mein, har pal mein saw martaba maut se mila hun main

Din guzra, raat aayi.. Meri tanhayi ko  aaj naa phir neend aayi
Koshish mein lag jaaten hain jab ye maikhane ka jaam
Aankhen band kar leta hun lekar tera naam

Aankh jo band hui to phir khul jayegi
Mujh ko tadpa k na tujhe neend aayegi

Ruh hai tu meri,  tu meri taqdeer hai

Mausam hai shayarana,  Ye sama b kitna ajeeb hai
Tujhe karta yaad hardam,  ye dil azeez hai

Tanhai ka Nasha

Ye tanhai ka nasha bhi kya rang laya hai
Apno ka saath bhi ab na hamen ganwara hai
Mashroof hain apne aap mein, duniya ki na koi khabar
Bheed mein khud ko khud se ghira paya hai!!

A Thanksgiving message

Among all the gifts thay life had ever given to me, you are the most adorable one. With smile like an angel and eyes like the fresh winter mornings, you take my breath away.
At times I thank god for allowing you to come in ma life, and making it a heaven. You planted the flowers of trust, love and patience in me. You brought the best out of me.  My life will always be thankful to you for the moments that we shared together.

Ye subha ki dhoop bhi kya rang laayi hai Mujhe aaj phirse teri yaad aayi hai

Ye subha ki dhoop bhi kya rang laayi hai
Mujhe aaj phirse teri yaad aayi hai
Doobe the hum andhere k aaghosh mein
Tu bankar khushi mere labon par ayi hai!

Baithe the hum mehfil mein kal raat ko
Khaayi thi kasam na lagayenge haath jaam ko
Par yaaron ne pila di aapki kasam dekar
Aur mei pee gaya saari apne gamon ko bhoolkar

Kwaab mein phir unse mulaqaat hui
Naraz the wo, meine poocha kya baat hui
Bole wo ki kyun peete ho itna ae sanam ,
Kuch ho gaya agar tumhen to na reh sakenge hum
Humne kaha jab yaad teri aati hai hamen
Peekar tu saamne aa jaati hai mere
Agar meine peena chhod diya to door tu chale jayegi
Maut palkhen bichayi baithi hai,  apne saath wo le jayegi
Ye alfaaz bhi na poore kar sake the hum,  hothon se pila di unhone apne pyaar ki rum
Phir so gaye hum nashe k aaghosh mein, unki godh mein, unki zulfon ki chawon mein

Raat gayi , din aya ,parindon k chekne ki phir awaz aayi hai
Ye subha ki dhoop bhi kya rang laayi hai
Mujhe aaj phirse teri yaad aayi hai

Snaas bhi ro rahi hai aaj Dard diya tune lailaaj

Snaas bhi ro rahi hai aaj
Dard diya tune lailaaj
Honthom par hai bahar
par dil ye roye baar baar

Roye hum yun iskadar
ankhiyaan huien meri samandar
Bahi wo lahu ki tarah
Aur bheeg gaya mein tar badar

Ab Is dard ko har pal sehna  hai
Har din  mar k jeena hai
Yaad teri bani zehar
Is zehar ko khushi se peena hai

Snaas bhi ro rahi hai aaj
Dard diya tune lailaaj
Honthom par hai bahar
par dil ye roye baar baar